أخبار وطنية مبادرة "موجودين" تكشف ما يلي بشأن الغاء الفصلين 230 و52 اثر لقاء المترشح قيس سعيّد
نشر في 18 سبتمبر 2019 (18:00)
ذكرت مبادرة "موجودين" أنها اثر صدور النتائج النهائية للانتخابات الرئاسية قابلت المرشح قيس سعيد الذي اكد انه غير وصي على حياة الاشخاص. وأشارت المبادرة التي تسعى الى الغاء الفصلين 230 و52 الى ما يلي:
"البارح في إطار صدور النتائج النهائية للانتخابات الرئاسية مشينا قابلنا المرشح قيس سعيد بإسم موجودين بش نسألوه بطريقة مباشرة على رايو في ما يخص الحبس بالنسبة للفصل 230 و القانون 52 المتعلق بالمخدرات، و قال انو ضد الحبس و ضد التشفي و الشماتة في الشباب و انو مش وصي على الناس في حياتهم. و لكن هو مع الحفاظ على قيم المجتمع و العائلة، الحاجة الإيجابية انو قابل و حالل الباب للنقاش و هذا الي لازم نخدمو عليه في المرحلة القادمة اذا تم اختيارو كرئيس.
اما الأهم هو انو ما لازمش نفقدو الأمل و نكتفو يدينا.. العركة مازالت ما وفاتش و ما تحسمتش.. و المسيرة تستمر".
مبادرة "موجودين" في كلمات
مبادرة موجودين للمساواة هي جمعية غير حكومية وغير ربحية مرخص لها رسميا بالنشاط في تونس، تخدم موجودين على تحقيق العدالة والمساواة بين الأفراد، على حقوق الإنسان والحقوق الجسدية والجنسية خاصة لصالح الLGBTQI+ و المجموعات المهمشة.
